بسم الله الرحمن الرحيم
انا فكرت كدا في ازاي اننا نطور المنتدي بتاعنا والفكره جت كالتالي
اولا احنا لازم نبني صور حول المنتدي ويكون عالي شويه علشان مافيش حد بينط جوا المنتدي
نزرع شويه شجر برضو ونعمل جنينه صغيره في المنتدي كدا وانا هتكلف بيها مش ليكم دعوه
احنامن زمان عندنا كافيه ولازم نزود المحلات طبعا ونعملنا محل مثلا ايس كريم ومحل ملابس ومحل سندوتشات واي محلات تانيه ونسيب كام محل كدا نأجرهم لصالح المنتدي
نبني مبني كدا صغير للمنتدي بعيد عن المحلات ودوشتها يكون فيها مكتب للساده اداره المنتدي علشان لو حد عاوز حاجه يرحلهم ع المكتب ولو عملنا عليهم ثوره نحبسهم جوا ونقفل عليهم ماعدا انا طبعا ههههههههههه
ايه رايكم كمان لو نعمل قاعة للافراح الاعضاء بس عشان نضمن اننا نحضر افراح بعض كلنا
ايه رأيكم كمان لو عملنا ملعب كدا وليكن خماسي نلعب فيه شويه بعد العصر كل يوم ولما ربنا يفرجها شويه نجيبله كشافات ونلعب بالليل
دا طبعا غير الجامع اللي موجود من زمان
وطبعا دا غير الرحلات اللي بيطلعها المنتدي كل فتره وفتره
كمان اللي بيفكر يعمل سينما في المنتدي اقوله لا مافيش سينمات هتتعمل في المنتدي
ودا كمان غير اننا ومن زمان قوي قايلين ان التخدين ممنوع في المنتدي لانه ضار جد بالصحه
ايه رايكم كمان لو عملنا سيبر او وصلنا نت في المنتدي علشان لو حد حب يبص ع المنتديات التانيه يبقي سهل بالنسباله
بالله عليكم الخدمات دي لو اتعملت في المنتدي مش هيبقي منتدي مالوش حل عاوز رأيكم وايه اللي ممكن نعمله تاني
عفارم عليا صح
[b]
